احمد اسماعيل على كرسى الاعتراف

لا توجد سياسة فى مصر و لا يوجد دور سياسى للمواطن المصرى فالقهر و الظلم و الخوف اصابوا المصريين و حتى ان كانت هناك حركات سياسية فنها سرعان ما تندثر و الدليل الانقسامات التى حدثت بالجمعية الوطنية للتغيير و رئيسها الذى لا اقتنع به البرادعى و بخصوص البرادعى فهذا الموضوع لاوضح وجهة نظرى يحتاج لشرح طويل و اتركه ان سأله احداً منكم

طبعا انا غير مطمئن على مستقبل ابنائى نهائيا لان مصر فى تدهور مستمر اقتصاديا و اجتماعيا و اخلاقيا و اسعى جاهدا للسفر للامارات و كله على الله

استاذى الناظر :
انا اعشق الهزار مع الاشخاص الذين اعرفهم فقط اما الذين لا اعرفهم مش بهزر معاهم نهائيا لانى من فترة قريبة هزرت مع واحدة مش اعرفها كويس و ما فهمتش هزارى و زعلت فا قررت انى اقفل الموضوع ده
و مش بزعل من الهزار خالص لكن فى حدود الادب يعنى من غير شتيمة بالاب و الام يعنى مثلا انا بهزر مع الادمن و البرنس كتير لكن عمرنا ما نتطاول على بعض و الهزار يكون بينا و بين بعض قدام الناس فيه احترام غير عادى لان صاحبى بيدل على شخصيتى و احترامه و من احترامى

والله الادمن هو اللى قفل الموضوع مش انا اللى طبت مه بالعكس انا الشخص اللى اتصلت بيه و عاتبته انه قفله لكن له مطلق الحرية بالعكس انا خفت ان فوكس يكون بيزعل فالادمن قالى بالعكس ده هو اللى خايف ان انا اللى بزعل وده دليل على حبنا لبعض و خوفنا على زعل بعض و ده شىء كويس
فا انا مظلوم والله و اساله الادمن و هو شهد بكده من شوية

اختى العزيزة زهرة :
المبادىء لا تتغير بأى حال من الاحوال و لا يمكن ان اتخلى عن مبادئى و لكن مثلا لو واحد بيحارب الفساد فى مصر لانها مليانة فساد و فجأة سافر دولة تقريبا الفساد فيها منعدم يبقى هيحارب ايه و عمل مشاكل يبقى راجل رخم بصراحة

الى اختى العزيزة وفاء النيل :
اصعب يوم فى حياتى عندما اشعر انى مهزوم او اشعر بالضعف او عند مرض عزيز لى

الى وفاء النيل :
اجمل يوم عند اشعر بالنجاح او تحقيق حلم كنت احلم به

الى وفاء النيل :
مفهومى نحو الحرية :
هى اهم شىء فى الوجود و اؤمن ان حريتى تنتهى عند حدود الاخرين و الحرية الموجودة فى البلد هى حرية شكلية فقط و ليس بمفهومها الحقيقى و انا شخصيا اكره القيود خصوصا على رأى فلا يشترط ان ينفذ رأى لكن من حقى ان اعبر عنه فى جميع المجالات و يأخذ به من عدمه فهذا ليس اختصاصى فأنا لست من اولى الامر و مشكلتنا اننا نفتقد لثقافة الاختلاف و قبول الرأى الاخر و هذا سبب تراجعنا و لقد سبق لى ان كتبت مقالا فى ثقافة الاختلاف

الى وفاء النيل :
رأى نحو تعدد الزوجات :
اولا انا لا يجوز لى ان ابدى رأى فى امر احله الله و لكن عن نفسى لا احبذ التعدد لاننى لن اعدل و ذلك طبقا لصريح النص القراءنى و هنا سأصبح انسان ظالم سأتعرض لعقاب الله و لكن هناك اشخاص - مثلا - يرغبون فى الانجاب و من ثما فلهم الحق فى الزواج من اخرى او زوجته مريضة او غير سعيد بحياته الزوجيه لسبب او اخر فهنا يجب عليه الزواج من اخرى حتى لا يقع فى الخطيئة و ان كان لى راى اخر فى حال عدم مقدرة زوجتى لا قدر الله على الانجاب او مريض فيجب على تحملها فهى من تحملتنى فى شدتى فهل اتركها فى شدتها " لا مؤاخذة ابقى قليل الاصل "

الى وفاء النيل
رأى فى حرية المرأة :
هذه الحرية حق وواجب و لكن بشروط لا تتنافى و الدين الاسلامى و مبادىء الاخلاق و طبعا هذا الموضوع يطول شرحه و لكن هذا رأى بإختصار

الى وفاء النيل :
رأى فى الحجاب :
ايضا لا يجوز لى ان ابدى رأى فى موضوع امر به الله فهذا حق وواجب على إمرأة مسلمة و سيبك من الفاسقات اللى بيقولوا ديه حرية و مش فى دماغى ديه قلة ادب و نساء راغبات فى اشاعة الفساد و الرذيلة مش عايزة تتحبجة يبقى تتنيلى تسكتى انا اقصد صاحبة الرأى طبعا لكن مش اعرض امر الله علنا و كأننى احارب و لعياذ بلله ربنا لكن عن نفسى يجب ان يكون اهل بيتى محجبات سواء زوجة او ابنة و كل من له سلطان عليهم

الى وفاء النيل
رأى فى النقاب :
اختلف فيه العلماء و طالما اختلف فيه العلماء اراه حرية للمرأة و لكن رأى الشخصى ان المرأة الجميلة التى قد تثير الفتنة فالنقاب واجب عليها ام المرأة العادية فهى و شأنها و بالنسبة للنقاب فى الجامعات الذى اثار جدلا أرى ضرورة الكشف عن وجهها اثناء دخولها للامتحان او الجامعة لسيدة مثلها منعا للمفاسد التى نسمع عنها الان و هى كثير و حضرتك طبعا بتسمعى عنها و بتقرى عنها فى الصحف يوميا

الى وفاء النيل :
رأى بالنسبة لتولى المرأة المناصب القضائية - تولى المرأة رئاسة الحكومة و رئاسة الجمهورية:
انا ارفض تماما جلوس المرأة على منصة القضاء لان الرجل لن يقتنع بها و قد يتطور الامر لمشاحنات و مضايقات بين الطرفين لان مجتمعنا يرفض تولى المرأة مثل هذه المناصب و هذا لا يعنى التقليل من شأن المرأة فهى تصلح كوزير لبعض الوزارات و سفيرة و منصاب اخرى تتناسب مع طبيعتها و حضرتك عارفة ان المرأة نفسها ترفض ان ترأسها إمراة مثلها و تقبل ان يرأسها رجل فما بالك بالرجل و هناك مناصب قضائية تتولاه المرأة مثل النيابة الادايرة فهذه الهيئات المرموقة تتولاها المرأة و قد تصل لدرجة رئيس الهيئة حسب الاقديمة طبعا و وجهة نظرى هذه نابعة من اننا فى مجتمع شرقى نختلف تماما عن الغرب فى ارائنا و معتقداتنا للاسف المرأة ترغب فى الدخول فى جميع المجالات التى يعمل بها الرجل ،،، يعنى ينفع المرأة مثلا تشتغل فى الفاعل يعنى تشيل طوب و زلط او تعمل فى قسم للشرطة و تتعامل مع مجرمين ؟ اعتقد لا يجوز و اى رجل شرقى غيور سيرفض ذلك تماما و ارجو الابتعاد عن نغمة المساواة والله المرأة حصلت على الكثير من حقوقها المشكلة ان اى واحدة عايز حاجة تقولك مفيش مساواة و احنا مظلومين زة نغمة الطائفية عند البعض

الى وفاء النيل
رأى فى حقوق الاقباط :
لهم ما لنا و عليهم ما علينا فالدين لله و الوطن للجميع

الى وفاء النيل
رأى فى الفتنة الطائفية :
للاسف هناك من يرغب فى اشعالها و لكنى ارفضها تماما و خصوصا من اقباط المهجر فوزير المالية الذى يجلدنى و يجلد الاقباط بسوط الضرائب مسيحى فلا فرق بيننا و يجب مواجهة من يشعل نار الفتنة من المسلمين او المسيحيين بقوة و تطبيق القانون على الجميع فمصر فوق الجميع و يجب توعية المواطنين و يجب ان يكون للمساجد و الكنائس دور فى ذلك
و شكرا لك

الى صديقى البرنس المصرى
هل شعرت بالغرور فى يوم من الايام ؟؟
واذا كان فما هو هذا الموقف:
احيانا اشعر بالغرور بينى و بين نفسى خصوصا اذا فزت فى معركة خضتها و انتصرت فيها و لكن الغرور يكون بينى و بين نفسى و اتغلب عليه فورا لانه بداية الطريق للنهاية
و احيانا اتهم بالغرور - ظلما - لاننى لا اتحدث كثيرا مع من لا اعرفهم و اكتفى بالسلام فقط و كأن المطلوب منى ان اصبح شخص خفيف او تافه او امشى اوزع القبلات او الابتسامات على الجميع فيكفى للمتعامل معى ان اتعامل معه بإحترام و ادب

الى زميلى الفاضل احمد بدوى :
س / لو لديك سيف بطار من أول خمس أشخاص هتخلص عليهم ؟:
الفاسد الظالم المنافق النمام المتملق الذى يقبل الايادى من يبيع نفسه مقابل امر زائل من يكسب رضا البشر و يخسر رضا الله و هذه الصفات تنطبق على الكثيرين ممن اعرفهم و تعرفهم انت جيدا و لكن لا يجوز ان افصح عن اسمائهم حتى لا اتعرض للمساءلة الجنائية بس انت موجود و هتدافع عنى صح و لا هتبعنى ؟

الى زميلى الفاضل احمد بدوى
س / كيف إستطعت أن تسيطر على نفسك وتتماسك كى ما نستفيد من تجربتك ونتعلم منها ؟:
بص يا باشا مش هقولك انا دربت نفسى و ازادت خبرة و كلام الانشاء ده لا انا حسبتها اللى هما عايزينوا هيعملوا بيا او غصب عنى وانا برضه اللى انا عايزه بعمله و كل واحد بشيل شيلته هما غلطوا و انا بحاسبهم من وجهة نظرى ممكن اكون صح وممكن اكون غلط لكن والله فى اغلب الاوقات نظرتى مش بتخيب لانى بعرف مين اللى بينافق و يمثل عليا و مين اللى بيحبنى و مين عايز يموتنى بس مش عارف و مين اللى بيبوسنى و كأنه بيلدغنى و انت عارف ان ليا طرق معينة باخد بيها حقى فا ليه اتعصب و كنت الاول بتلكم كتير اتعلمت من المقربين ان السكوت افضل حتى لا يعلم اعدائى فيما افكر
و برضه بوجه رسالة اللى انا عايزه هعمله غصب عنهم لان غضبى وقتها بيكون غبى و على فكرة انا مش هادى قوى برضه كتير ببقى مندفع لكن بعمل ايه برجع للمقربين منى و بعض الشخصيات التى تهدئنى و تفكر نيابة عنى لاننى وقتها من الممكن ان اتخذ اجراء قد يحسب على و لكن عصبيتى تتنهتى سريعا و ببقى عصبى لما مش بعفر اوصل لحل فى مشكلة فى دماغى لكن اول ما بوصل لخطتى و بحطها برتاح خالص و ببدأ فى تنفيذها لكن انت بقه عصبى لانك مش بتحب الظلم مع انك مش من اولى الامر و سلطاتك لها حدود سيبهم يعلموا اللى هما عايزينه - انا بتكلم عموما مش على شخص محدد- و انت برضه اعمل اللى عايزه و صدقنى الحياة فرص و اللى بتجيله الفرص و يضيعها لا يلومن إلا نفسه و الجملة ديه موجهة ليك انت عشان انت هتفهمها
و كمان انا مش بطلع سرى لحد إلا لثلاث او اربع اشخاص بالضبط

كم عدد اصدقائك تحديدا و كم عدد اعدائك تحديدا

و متى تنهى خصومتك مع عدو

و هل يمكن ان يتحول العدو الى صديق

مقولة لو لم اكن مصرى لوددت ان اكون مصريا

تتفق معها ام لا و انت ان لم تكن مصرى لوددت ان تكون جنسيتك ايه

لما تشوف راجل بيتعامل مع الناس بأدب
امتى تقول ده ادب و تواضع و امتى تقول ده نفاق و امتى تقول ده انسان بلا كرامة

الى الاستاذ همام الناظر
كم عدد اصدقائك تحديدا و كم عدد اعدائك تحديدا:
اصدقائى عددهم ثلاثة و الباقيين اصحاب جدا جدا و هناك فرق طبعا بين الاثنين فالصديق تحكى له جمسع اسرارك و الصاحب لا يعرفها كلها

اسف يا استاذ همام نسيت اننى لم ارد على باقى السؤال :
اعدائى كثيرين اتذكر منهم الان خمسة و هناك اخرين لا اتذكرهم الان والله